Nú verður Sandoyartunnilin turrur

Ov nógv vatn úr grótinum oman fyri Sandoyartunnilin er sjónligt. Tað dryppar niður á koyribreytina og rennur niður eftir tunnilssíðunum.

Hetta vatnið skal nú leiðast út í vegjaðaran og víðari til uppsamlingsbrunnarnar, haðani tað verður pumpað upp úr tunlinum.

-Tilsamans eru eini 50 smærri lekar, sum nú skulu tettast á henda hátt, sigur Hendrik Egholm, verkfrøðingur hjá LBF.

-Tað hevur alla tíðina ligið í kortunum, at arbeiðið skal gerast, og nú verður tað so gjørt, sigur Uni Danielsen, stjóri í p/f Tunnil, sum metir arbeiðið fara at kosta millum hálva aðru og tvær milliónir krónur.