Sleppur undan at fara av landinum - serstakt tilboð verður skipað í Føroyum

15 ára gamli drongurin, sum skuldi sendast av landinum, tí onki tilboð var til hansara, verður ikki sendur til Danmarkar kortini.

Ein millión verður flutt frá játtanini til "Barnaverndarstovnar" til játtanina til “Stuðul til barnavernd” fyri 2024, og soleiðis ber til hjá honum at verða verandi í Føroyum. Tað krevur tó eisini serstaka játtan frá 2025. 

Djóni Nolsøe Joensen segði í síðstu viku við Frihedsbrevet, at breið politisk undirtøka er fyri fyri, at børn sum tann 15 ára gamli skulu ikki sendast av landinum.  

Fyrstu tíðina vera tað útlendsk starvsfólk, sum fara at arbeiða við hesum bólkinum av ungum við atferðartrupuleikum. Munurin er tó tann, at tey ungu verða ikki send av landinum, men starvsfólk frá einari danskari vikarstovu koma til Føroya at røkja uppgávuna. 

Hoyr innslag í útvarpstíðindunum: