Lítið av botnfiski

Skipini, sum fiska botnfisk, fáa minni og minni.

Til 1.oktober minkaði veiðan ein fimting samanborið við 2012, og virðið á fiskinum minkaði ein triðing.

Serliga upsin er minkaður nógv í ár.

Men toskurin er kvinkaður nakað uppeftir, tí línuskipini fiskaðu tosk á Flemish Cap.

Meiri hýsa er eisini í ár, men hýsuveiðan hevur verið serstakliga vánalig seinastu árini.

Føroyska botnfiskaveiðan hevur ikki verið so vánalig í 20 ár.

Til 1.oktober í 2005 fiskaðu føroyingar knappliga 82.000 tons av botnfiski, í ár er veiðan 35.500 tons.

Virðið á botnfiskinum er higartil í ár slakar 160 milliónir krónur minni enn í fjør, vísa tøl, sum Hagstovan hevur kunngjørt.