Tunlarnir norður um Fjall lata upp 19. desember

Tunlarnir norður um Fjall lata upp um 10 dagar, tann 19. desember.

Tey boðini hevur Sigurð Ólason Vang, deildarleiðari á verkætlanardeildini hjá Landsverki, at bera teimum, sum leingjast eftir nýggjum tunlunum.

Arbeiðið fyri báðar tunlarnar og vegirnar í sambandi við tunlarnar skal sambært verklagslógini kosta tilsamans 522 milliónir kr., og hóast alt ikki er gjørt upp enn, er líkt til, at kostnaðurin fer at halda.

Hoyr innslag í útvarpstíðindunum: 

Hátíðarhaldið við rennikapping og súkklukapping vara í góðan hálvan tíma, og tað vil so siga, at tunlarnir lata upp fyri ferðslu 19. desember klokkan 14:10 - um 10 dagar.