Toppskorarin: Listi Á fær ov lítið í sín part

Listi Á fær ov lítið í sín part eftir góða úrslitið á kommunuvalinum 12. november.

Tað heldur Ólavur Larsen, fyrstvalda umboðið á listanum og toppskorari í Fuglafjarðar kommunu.

Tað áliggur tí honum at kalla nýggja býráðið inn at skipa seg.

Ólavur Larsen var á lista Á, men listi B og F hava skipað seg í valbólk við meiriluta í býráðnum, og ætlanin er, at sitandi borgarstjórin, Dávur Juul, skal halda fram.

Listi B og F hava boðið  lista Á +atta av 18 nevndarsessum, men hetta er lítið meir enn tað lógarkravda, og tí fær Listi Á ikki nóg mikið í sín part samanborið við valúrslitið, sigur toppskorarin í Fuglafirði.

Býráðið skal verða skipað fyri 1. januar, men í løtuni er líkt til, at Ólavur Larsen fer at lata tíðina ganga eitt sindur aftrat, áðrenn hann fer at boða til skipanarfund.

Hoyr innslag í útvarpstíðindunum: 

Hoyr samrøðu við Dáva Juul, borgarstjóra í Fuglafirði, sum eftir ætlan eisini skal vera borgarstjóri eftir 1. januar: