25 verkætlanir og sjey miðlar fingu miðlastuðul

80 umsóknir komu inn til miðlastuðul í ár. 

Latnar vóru 2,9 milliónir krónur til 25 verkætlanum og sjey miðlar, sigur Miðlastuðulsnevndin.

Sambært miðlastuðulslógini verða 70 prosent latin til verkætlanir og 30 prosent til lønir.

Fimm miðlar fingu stuðul til 25 miðlaverkætlanir.

Miðlahúsið 1,9 mió. kr.

Tilsamans fekk Miðlahúsið næstan 1,9 millión krónur í miðlastuðli fyri 2024 gjøgnum Sosialin og Dimmalætting.

FM1 fekk tilsamans góðar 400.000 krónur í miðlastuðli.

Knassar sum rekur Portalin hevur fingið 375.000 

Nýggjur leistur verður fyrireikaður

Almanna- og Mentamálaráðið hevur boðað fíggjarnevndini frá, at eitt lógaruppskot er fyrireikað um nýggjan leist at lata miðlastuðul.

Samgongan er samd um, at 30 prosent skulu framvegis fara til lønir.

Men 70 prosent skulu fara til íverksetan, tað er at stovna nýggjar miðlar.

Og forfólkið skal fáa heimild til at avgreiða smærri mál, so sum áheitanir um innlit og svara fyrispurningum, uttan at kalla alla nevndina saman fyri at tryggja viðtøkuføri í avgerðarmálum.