Eldsbrunar í Los Angeles hava kravt fimm mannalív

Fleiri enn 130.000 fólk í Los Angeles hava fingið boð um at flyta, nú fleiri eldar gera um seg í Los Angeles.

Í minsta lagi sjey eldar eru í forstøðum til milliónabýin Los Angeles í Kalifornia. Nógv hús og aðrir bygningar eru brunnin í grund.

- Tað er heilt óvanligt við eldi hesa tíðina á árinum. Tað er ræðuligt, sigur Gavin Newsom, sum er er guvernørur í statinum.

Danski tíðindamaðurin Jakob Krogh, sum júst er komin til Los Angeles, sigur við DR, at tamarhald als ikki er á eldsbrununum, og teir eru ikki girdir við verjugørðum:

Í minsta lagi fimm fólk eru deyð av eldsbrununum, sigur Robert Luna, sjeriffur í Los Angeles. Sløkkiliðini á staðnum siga eisini, at nógv hava fingið skaða, tí tey vóru ov sein at flyta burtur, áðrenn eldurin breiddi seg til økið, har tey búðu. 

400.000 húsarhald hava mist streymin, skrivar Reuters.

Sí videomyndir frá AP-tíðindastovuni: