- Tíðindi, mentan og ítróttur
Kanning í USA: Helvtin er ímóti at yvirtaka Grønland
Kanning í USA: Helvtin er ímóti at yvirtaka Grønland
53,3 prosent av teimum spurdu halda hugskotið vera vánaligt. 28,6 prosent halda, at tað er gott, men órealistiskt
86 prosent av demokratunum kalla tað eitt vánaligt hugskot at yvirtaka Grønland, meðan bert 21 prosent av republikanarunum halda tað.
17.01.2025 - 11:30
Helvtin av amerikanarum er ímóti ætlanini hjá Donaldi Trump um at yvirtaka Grønland.
Tað vísir nýggj kanning, sum Suffolk University í Boston í Massachusetts hevur gjør í samstarvi við USA Today.
Kanningin er gjørd frá 7. til 11. januar, og 1.000 fólk í einum umboðandi bólki eru spurd.
53,3 prosent halda, at tað er eitt vánaligt hugskot hjá Trump.
28,6 prosent halda, at tað er gott, men órealistiskt hugskot.
Donald Trump tekur við forsetaembætinum í USA mánadagin. (Mynd: AFP/Ritzau Scanpix)
11,2 prosent halda tað vera gott hugskot, og at Trump-stjórnin skal gera alt, hon kann, at seta tað í verk.
6,3 prosent vita ikki, hvat tey halda, og 0,6 prosent vildu ikki svara.
- Í tølunum ein stór, men "óvæntað" ósemja tvørtur um flokkarnar, skrivar USA Today.
86 prosent av demokratunum kalla tað eitt vánaligt hugskot, meðan bert 21 prosent av republikanarunum halda tað.
Er kopiera
Nýggjastu sendingar í ÚV
Nýggjastu sendingar í SV
