Vilja hava longda freist at viðgera uppskot um Húsalánsgrunnin

Fíggjarnevndin er ikki farin at viðgera uppskotið hjá løgtingsgrannskoðarunum um Húslánsgrunnin enn.

Fyrsta viðgerð var í tinginum 6. desember.

Fíggjarnevndin skuldi tí fyri langari tíð síðani havt skrivað álit.

Nevndin hevur biðið um freist til 31. januar.

Løgtingsgrannskoðararnir vilja hava løgtingið at heita á landsstýrið um at leggja frágreiðing um støðuna í Húsalánsgrunninum fyri løgtingið. 

Teir vilja millum annað hava at vita, hvørjar ætlanir eru um at dagføra lógina um Húsalánsgrunnin. 

Fíggjarnevndin hevur málið á skránni fyri fundin hósdagin.