Vil stytta gildistíðina á fiskirættindum niður í átta ár

Dennis Holm, landsstýrismaður í fiskivinnumálum, ætlar nú aftur at broyta gildistíðina á fiskirættindum.

Í 2023 stytti hann gildistíðina úr 12 niður í 10 ár, og nú ætlar hann at stytta tíðina enn meira. Fær landsstýrismaðurin sín vilja, verður hon átta ár.

Vinnan vil hava í minsta lagi 10 ára gildistíð.

Eftir øllum at døma fer landsstýrismaðurin ikki at lurta eftir vinnuni í hesum málinum, men ætlar at fara til andstøðuna at fáa eina nýggja semju um at stytta gildistíðina.

Hoyr innslag í útvarpstíðindunum: