Gjaldið fyri vøggustovupláss lækkar

Gjaldið fyri vøggustovupláss lækkar
Tórshavnar býráð samtykti í gjár at lækka gjaldið niður í 3.721 kr. um mánaðin.
Foreldragjaldið var 27 prosent av tí, tað kostar at reka dagsstovnarnar í kommununi. Tað er nú 25 prosent. (Savnsmynd)
 
31.01.2025 - 08:19

Tað verður eitt sindur bíligari hjá fólki í Tórshavnar kommunu at hava børn í vøggustovu.

Býráðið samtykti í gjár at lækka vøggustovugjaldið.

Kommunan kunngjørdi annars eina viku fyri jól í fjør, at gjaldið hækkaði 1. januar. 

Tað skuldi hækka 377 krónur, upp í 4.019 kr. um mánaðin.

Nú lækkar tað 298 kr., niður í 3.721 kr.

 

Foreldragjaldið er 25 prosent

Foreldragjaldið var 27 prosent av tí, tað kostar at reka dagsstovnarnar í kommununi. Tað er nú 25 prosent.

Tað var ikki ein einmælt samtykt á býráðsfundinum í gjár, tí Birgir Nielsen og Høgni Vilhelmsen atkvøddu blankt.

Teir skutu upp saman við Tróndi Sigurðsson og Kára Johansen at lækka vøggustovugjaldið niður í 20 prosent og barnagarðsgjaldið niður 25 prosent av tí, tað kostar at reka dagsstovnarnar.

Tað uppskotið fall.

Tað fer at kosta kommununi 1,8 milliónir krónur at lækka foreldragjaldið fyri vøggustovupláss. 


 

Er kopiera
Nýggjastu sendingar í ÚV
Nýggjastu sendingar í SV
Fríggjadag 28. februar
Dagur og vika - teknmálstulkað
188428
Fríggjadag 28. februar
Heim, kæra heim (3:3) - teknmálstulkað
188417
Hósdag 27. februar
Hvíta gullið
188389
Hósdag 27. februar
Heim, kæra heim (2:3) - teknmálstulkað
188381
Hósdag 27. februar
Heim, kæra heim (1:3) - teknmálstulkað
188375