Banna útlendskum stuðli

Val verður í Grønlandi 11. mars, men tingið samtykti eisini, at tað skal vera bannað at taka ímóti dulnevndum og útlendskum pengastuðli til valstríðið. Tað er fyri at sleppa undan útlendskari ávirkan.

Eitt ávíst kjak tók seg upp í tinginum, tí flokkurin Naleraq tulkaði uppskotið soleiðis, at tað eisini bannaði stuðli úr Fólkatinginum til grønlendsku flokkarnar. Hetta fekk tingið at samtykkja eitt broytingaruppskot, sum gav loyvi at taka móti stuðli úr Fólkatinginum.

Mette Frederiksen, forsætisráðharri, tekur undir við grønlendsku avgerðini. Tað segði hon eftir ein fund við bretska forsætrisráðharran Keir Starmer í gjárkvøldið. Hon greiddi á tíðindafundi frá, at Danmark skal umhugsa at seta líknandi lóggávu í verk, tí tað eru so nógv sterk útlendsk áhugamál, sum vilja skapa órógv í Europa.