Týski uttanríkisráðharrin: Evropa skal við í tingingar um Ukraina

Týski uttanríkisráðharrin, Annalena Baerbock, sigur við týsku útvarpsrásina Deutschlandfunk, at Evropa skal við í møguligar tingingar um Ukraina.

Tað skrivar Reuters.

Baerbock ger samstundis greitt, at Ukraina skal eisini við.

Amerikanski forsetin, Donald Trump, tosaði í gjárkvøldið í telefon við russiska forsetan Vladimir Putin, og teir samdust um at fara undir samráðingar um Ukraina.

Donald Trump, Zelenskyj og Vladimir Putin

(Mynd: Ritzau Scanpix)

Stutt eftir tosaði hann eisini við ukrainska forsetan, Volodymyr Zelensky, og teir samdust eisini um at arbeiða víðari við at fáa frið í landinum.

Týski uttanríkisráðharrin er púra greið:

- Ein friðaravtala í Ukraina skal verja sjálvræði hjá landinum. Evropa skal ikki tosa við amerikanskar myndugleikar um frið og trygd í Evropa, sigur Annalena Baerbock við týsku útvarpsrásina Deutschlandfunk.