Aftur fundur í París í dag um trygdarstøðuna í heiminum

Aftur í dag hevur franski forsetin, Emmanuel Macron, í skundi kallað stjórnarleiðarar á fund í París um trygdarstøðuna í heiminum.

Hesa ferð eru Svøríki, Finnland, Kanada, Kekkia, Belgia, Rumenia og Grikkaland eisini við. Fleiri av hesum londum vóru ikki við á fundinum mánadagin, tá danski forsætisráðharrin, Mette Fredriksen, umboðaði Norðurlond og baltisku londini.

Tað er Reuters-tíðindastovan, sum ber tíðindini.

Skráin fyri fundin, er sambært keldunum, støðan í Ukraina og í Evropa.

Pressuráðgevin hjá svenska forsætisráðharranum váttar fyri Dagens Nyheter, at fundurin verður, og at svenski forsætisráðharrin, Ulf Kristersson, verður við talgilt.