Nýggj skip skulu hjálpa til at lúka umhvørviskrøvini

Tvey nýggj farmaskip skulu hjálpa Smyril Line at lúka altjóða umhvørviskrøvini til skipaferðslu.

Smyril Line brúkar sum er nógvar pengar til CO2-avgjald til ES.

Smyril Line og nýtt farmaskip

Nýggju skipini verða smíðað í Kina.

1. januar í ár hækkaði CO2-avgjaldið, sum øll farmaskip, ið sigla uppá ES-havnir, skulu gjalda, úr 40 upp í 70 prosent av samlaða CO2-útlátinum hjá skipunum.

Og næsta ár verður tað 100 prosent, og tá skulu farmaskipini rinda av øllum sínum CO2-útláti.

Jens Meinhard Rasmussen, Smyril Line

Jens Meinhard Rasmussen. (Mynd: Bjarni Árting Rubeksen)

Smyril Line hevur gjørt sáttmála um at byggja tvey nýggj farmaskip í Kina. Og tey fara at ávirka CO2-útlátið rætta vegin, Jens Meinhard Rasmussen, stjóri.

Jens Meinhard Rasmussen vísir á, at hóast reiðaríini hava gjørt íløgur í grønari loysnir, so kann tað næstan gera tað sama, um rætta brennievnið ikki er tøkt. Og tað kann verða ein avbjóðing.

Hoyr innslag í útvarpstíðindunum: