Broyting í nevndini

Maskinmeistarafelagið hevði aðalfund í gjár, og tá ið nevndarvalið var á skránni, varð Regin M. Olsen afturvaldur við 45 atkvøðum og Benjamin Hansen nývaldur við 40.

Tað merkti, at Mortan S. Thomsen, sum fekk 26 atkvøður, fall á valinum, men hann heldur tó fram sum tiltakslimur saman við Ólavi J. Østerø, sum fekk 24 atkvøður.
 
Felagið fegnast annars um góðu uppmøtingina á aðalfundinum, sum var ein hin besta nakrantíð.

Einir 70 limir høvdu teknað seg til veitsluna, og teir flestu møttu eisini til aðalfundin.