Sólvit Nolsø farin frá sum tingbólkaformaður

Karlot Hergeirsson er nýggjur tingbólkaformaður hjá Framsókn.

Tá tingfundurin varð settur klokkan eitt, boðaði Framsókn frá, at Sólvit Nolsø hevur sagt formanssessin frá sær, og at Karlot Hergeirsson verður nýggjur formaður.

- Tá eg, at síggja til, ikki eri partur av framtíðarætlanunum hjá flokkinum, haldi eg tað heldur ikki vera rætt at vera við í tí tilrættalegging, samskipan og planlegging frameftir, sum tingbólkaformaðurin eigur at vera, sigur Sólvit Nolsø í stuttari viðmerking.

Ruth Vang, forkvinna í Framsókn, hevur onga viðmerking, men vísir til Sólvit Nolsø.

Hon sigur tó, at tey í Framsókn hava verið sera fegin um at hava Sólvit Nolsøe sum tingbólkaformann.

Vit tosa við Sólvit Nolsø í tíðindasending seinni í dag.