Fiskimenn betri sømdir í ALS

Fiskimenn fáa nú betri sømdir í ALS.

Karensdagarnir vera styttir úr 30 niður í 15 dagar.

Tað er, at fiskimenn bara skulu bíða í 15 dagar í staðin fyri 30 at sleppa upp í ALS.

Og útgjaldstíðarskeiðið verður longt úr í mesta lagi 60 upp í 90 útgjaldsdagar. 

Tað er kjarnin í lógaruppskoti, sum Margit Stórá, landsstýriskvinna, bar løgtinginum í gjár. 

Sambært galdandi lóg fáa fiskimenn arbeiðsloysisstuðul 30 dagar eftir, at skip teirra er lagt, tí tað skal umvælast, hóast setanarliga tilknýtið millum fiskimannin og reiðaríið ikki er slitið.

Hetta skal nú fara niður í 15 dagar.

Og fiskimenn fara nú at fáa arbeiðsloysisstuðul í 90 dagar í staðin fyri 60.

Fiskimenn kosta ikki ALS nógv.

Í viðmerkingunum um lógaruppskotið stendur, at frá 2015 til 2020 hevur ALS goldið 41 fiskimonnum 83.253 kr. 

Í 2021, 2022 og 2023 fekk ALS ongar umsóknir frá fiskimonnum.