Faroe Petroleum borar á norska landgrunninum

Faroe Petroleum er farið at bora Novus-brunnin á norska landgrunninum.

Faroe Petroleum er eisini fyristøðufelag.

Boriskipið West Navigator verður nýtt til boringina, og ætlanin er bora 3.200 metrar.

Novus-leitimiðið er níggju kilometrar í ein útsynning úr Heidrun-framleiðslueindini á Haltenbankanum, har Faroe Petroleum eisini hevur verið við í fleiri oljuleitingum.

Faroe Petroleum seldi ein part av loyvinum á Novus-leitimiðinum í august, og eigur nú 30 prosent.

Trý onnur feløg eru við í leitingini. Novus er annar av seks brunnum, sum Faroe Petreoleum fer at bora í næstum.

Verkætlanin byrjaði við Snilehorn-brunninum, og í morgun kunngjørdi felagið, at rakt er við ein týdningarmiklan oljufund har.