Tuberklar eisini á Suðuroyar Sjúkrahúsi

Fleiri fólk á Suðuroyar Sjúkrahúsið skulu nú kannast fyri tuberklar.

Hetta hendir eftir at eitt fólk, sum er sjúkt av tuberklum, hevur verið á Suðuroyar Sjúkrahúsið til viðgerðar.

Bjarni á Steig, leiðari á Medisinska deplinum á Landssjúkrahúsinum, sigur, at tað kann hugsast, at hetta fólk hevur smittað onnur á Suðuroyar sjúkrahúsið. Tí verða 36 fólk á Suðuroyar Sjúkrahúsið kannað fyri tuberklar. 

Higartil eru 132 fólk vorðin kannaði fyri tuberklar, síðan tuberklar vórðu staðfestir á Føroya studentaskúla og HF-skeiði í Hoydølum. 10 fólk eru í fyribyrgjandi viðgerð, tí blóðroyndir hava staðfestast, at tey hava slóð av tuberklabakteriuni.