Kærustovnurin gevur Tvøroyrar kommunu viðhald

Tvøroyrar kommuna hevur fingið viðhald frá Kærustovninum, sum sigur, at málsviðgerðin hjá Tvøroyrar kommunu í sambandi við byggiloyvið til Varðan Pelagic er lóglig og røtt.

Tað skrivar Tvøroyrar kommuna á heimasíðuni.

Varðin Pelgic søkti 29. 12 í 2022 Tvøroyrar kommunu um byggiloyvi til lýsi- og proteinverksmiðju á havnarlagnum. 

Men nógvar kærur gjørdu, at viðgerðin hjá kommununi gjørdist drúgv.

Varðin Pelagic fekk byggiloyvi.

Avgerðin frá Kærustovninum er endalig í fyrisitingarligum høpi.

Tað er tó møguligt at fara við avgerðini um byggiloyvi í Føroya rætt.

Freistin er seks mánaðir.