Trump tosar við Putin og Zelenskyj í dag

Amerikanski forsetin, Donald Trump, fer í dag at tosa við russiska forsetan, Vladimir Putin og ukrainska forsetan, Volodymyr Zelenskyj.

Tað skrivar norksa kringvarpið, NRK.

Trump skal tosa í telefon við teir báðar, annan í senn. Hann fer eisini at tosa við leiðarar í Nato.

Samrøðurnar skulu sambært norska kringvarpinum vera seinnapartin.

Fríggjadagin hittust Ukraina og Russland fyri fyrstu ferð í try ár,  og londini samdust um at lata leysar túsund krígsfangar hvør.