Baltalondini til reiðar at nýta minur

Tey trý Baltalondini, Estland, Lettland og Litava, sum øll hava mark við Russland, hava boðað ST frá, at tey taka seg úr sáttmálanum, sum bannar framleiðslu, goymslu, sølu og nýtslu av minum á landi. Tað sigur norska kringvarpið. 

Hetta merkir, at londini um seks mánaðir tilskila sær rættin at brúka minur.

- Við hesi avgerð, senda vit greið boð: Okkara lond eru til reiðar at nýta allar neyðugar miðlar at verja okkara lond og frælsi. Tað skriva uttanríkisráðini í teimum trimum londunum í eini felagsfráboðan. 

Eisini finska tjóðartingið hevur samtykt, at Finland skal taka seg úr ST minu sáttmálanum.