Eitt stig á muni millum vinmenninar

Nikkel Petersen vann sannan gýsara ímóti vinmanninum og liðfelaganum Jóannesi Poulsen í finaluni í compound-bogaskjóting seinnapartin mikudagin.

Teir skiftust um at vera frammanfyri, men tá síðsti pílurin var skotin var støðan 142-141 til Nikkel Petersen, sum tryggjaði sær sína triðju gullmedalju á leikunum. 

 - Finalan var øgiliga spennandi. Eg legði út við at vera eitt stig frammanfyri eftir fyrsta umfar, men so vendir støðan mitt í tí heila, har Jóannes fer framum. So taki eg innaftur, og so endar tað við at vit skjóta eins til endans, og eg varðveiti mítt one point lead, segði Nikkel Petersen.

 - Tað vóru øgiligir nervar akkurát tá. Eg føldi tað væl. Eg skuldi bara hava gult, og eg floytaði á, hvar hann fór. Eg skuldi bara hava gult, og so var í ordan. Og eg sá pílin fara ímóti gulum, og so lyfti eg armarnar upp. Tá var eg glaður,segði gullvinnarin.

Somikið væl gekst hjá Nikkeli Petersen, at hann setti nýtt oyggjaleikamet við 146 av 150 møguligum stigum í áttandapartsfinaluni. Tapandi finalisturin, Jóannes Poulsen, kann troysta seg við, at hann feamvegis eigur føroyska metið upp á 148.