Politiið leitar enn eftir vitnum eftir hending á Tórsfest

Politiið sendi út áheitan í morgun, í sambandi við at ein maður varð stungin í lærið, tá seinasta konsertin var á Tórsfest.

Enn hevur eingin vent sær til teirra, og áheitanin er enn galdandi.

Vaktleiðarin hjá Politiinum greiðir frá, at eitt størri kanningararbeiði liggur fyri framman, um eingi vitni venda sær til politiið.

Hann leggur afturat, at til eitt so alment tiltak eru allarhelst upptøkur á fleiri fartelefonum, ið skulu kannast eftir.