Arnleyð fór ikki í skúla orsakað av óvissuni um løn undir útbúgving

Í gjár var fyrsti skúladagur á Heilsuskúlanum í Suðuroy.

Eftir ætlan skuldi Arnleyð Tungá vera ein av spentu næmingunum, ið høvdu fyrsta skúladag. 

Men soleiðis bleiv ikki. 

"Nei, eg eri ikki byrjað," staðfestir ein vónbrotin Arnleyð Tungá. 

Eingin semja

Orsøkin er, at eingin sáttmáli er enn gjørdur um løn undir útbúgving millum Kommunala arbeiðsgevarafelagið og fakfeløgini hjá heilsurøktarum, heilsuhjálparum og námsfrøðihjálparum

Arnleyð Tungá var annars spent at byrja, tá løgtingið fyri summarfrítíðina samtykti lóg um, at lesandi á úbúgvingini fyri heilsuhjálparar, heilsurøktarar og námsfrøðihjálparar skuldu fáa løn undir útbúgving.

Fyri at fáa løn undir útbúgving, skalt tú hava sáttmála við arbeiðsgevara, sum í hesum føri kommunurnar. Men nú skúlabyrjan var í gjár, er framvegis eingin sáttmáli gjørdur ímillum Kommunala arbeiðsgevarafelagið og avvarðandi fakfeløgini um løn undir útbúgving. 

Í minsta lagi 15.000 krónur

Arnleyð Tungá heldur, at tey, sum sum hava drúgvar arbeiðsroyndir, eiga at verða tikin framum.

Og hon heldur, at lønin má í minsta lagi vera 15.000 krónur um mánaðin, um tað skal ber til hjá sær at taka útbúgvingina.