Fuglafjarðar kommuna kann læna 60 milliónir aftrat

Býráðið í Fuglafirði hevur samtykt at kommunan kann læna 60 milliónir krónur afturat verandi lánum.

-Skúlin og havnalagið skulu byggjast út, og lánsheimildin tryggjar, at vit fáa bæði arbeiði liðug næsta ár, sigur Dávur Juul, borgarstjóri:

Talan er um eina láns-heimild, tað vil siga, at lánið verður tikið eftir tørvi.

Umframt íløguna í skúlan - har 60 ára gamla framhaldsdeildin skal umvælast til dagsins tørv - skal kommunan eisini byggja út á havnalagnum:

Borgarstjórin veit ikki neyvt, hvussu nógvar av teimum 60 milliónunum, ið heimild er fingin at læna, tá avtornar eisini verða læntar.

Verða allar 60 milliónirnar læntar, so nærkast Fuglafjarðar Kommuna aftur skuldarloftinum, sum er ein álíkning, sigur Dávur Juul.

Eitt samt býráð samtykti lániheimildina á býráðsfundi í gjárkvøldi.