Danski uttanríkisráðharrin: Ísrael má broyta kós

Ein áheitan kom frá danska uttanríkisráðharranum, Lars Løkke Rasmussen, áðrenn ES-toppfundin í Keypmannahavn. 

- Ísrael má broyta kós, segði hann í morgun, áðrenn fundin millum teir 27 uttanríkisráðharrarnar í ES-londunum, nú Danmark hevur formansskapin.

Á fundinum fer Danmark at royna at fáa ES at fyribils strika eina handilsavtalu við Ísrael.

Danmark leggur eisini upp til revsitiltøk móti "mest víðgongdu ísraelsku ráðharrunum" og hækkaða tollin á vørur úr ísraelskum niðursetubygdum, segði hann við danska kringvarpið. 

- Eg fari at royna at sannføra mínar starvsfelagar um, at tiltøk mugu setast í verk, segði Lars Løkke undan fundinum í morgun.