Færri bøkur og meira evning

Skúlin á Giljanesi tekur tímar av bókligu lærugreinunum og leggur kreftirnar í handligu vallærugreinarnar í sjeynda flokki.

Næmingarnir hava nú fýra færri tímar í bókligu lærugreinunum, sum ístaðin skulu brúkast í teimum skapandi lærugreinunum.

Tað eru broytingarnar í nýggju fólkaskúlalógini, sum lata upp fyri møguleikanum.

- Vit vænta og vóna, at næmingarnir fara at hugsavna seg meira í tímunum, eisini í teimum bókligu lærugreinunum, sigur Ester Poulsen, skúlastjóri á Skúlanum á Giljanesi.