- Tíðindi, mentan og ítróttur
Fótbóltur er góður fyri beinheilsuna hjá kvinnum í skiftisárum
Fótbóltur er góður fyri beinheilsuna hjá kvinnum í skiftisárum
Magni Mohr, professari, May-Britt Skoradal, adjunktur í heilsuvísindum, og fleiri hava skrivað vísindagrein um evnið
Heilsufótbóltur er eisini góður fyri kvinnur í skiftisárunum, vísir gransking. (Savnsmynd: Fótbóltssambandið)
15.09.2025 - 11:07
Kvinnur í skiftisárum varðveita beinheilsuna, um tær spæla fótbólt, vísir nýggj føroysk gransking.
Tað er Magni Mohr, professari í arbeiðs- og ítróttarfysiologi á Fróðskaparsetri Føroya, sum hevur skrivað grein saman við May-Britt Skoradal, adjunkti í heilsuvísindum, og fleiri.
Greinin er júst givin út í tíðarritinum, Biology of Sport.
Magni Mohr.
May-Britt Skoradal.
Venjing av beinagrindini
- Fótbóltsvenjing er sera munadygg venjing av beinagrindini, og tað er serliga beintættleikin í ovasta partinum av lærbeininum og niðara partinum av rygginum, sum batnar munandi. Tað er júst í hesum pørtum av kroppinum, at álvarslig beinbrot mangan henda hjá eldri fólki við vánaligari beinheilsu, og tí kann fótbóltsvenjing brúkast sum fyribyrging av beinbroyskni og beinbrotum, sigur Magni Mohr, sambært herimasíðuni hjá Setrinum.
- Kanningin er tann longsta interventiónkanningin við kropsligari rørslu við kvinnuligum royndarpersónum nakrantíðl, og vísir tað sama, sum okkara gransking hevur víst seinastu 20 árini, sigur Magnoi Mohr um kanningina, sum altso vísir, at við fótbóltsvenjing varðveita kvinnur í skiftisárum beinheilsuna.
Er kopiera
Nýggjastu sendingar í ÚV
Nýggjastu sendingar í SV
