Galaxy kostar millum 21 og 25 milliónir

Galaxy kostar 21 mió.kr. í átta vikur og 25 milliónir í tíggju vikur.

Sjálv leigan er stív helvtin.

Hitt er fyri klárgering og avrigging og lønir til útlendsku manningina. 

Tað sigur Jóhan Christiansen, landsstýrismaður, í svari til Hans Jacob Thomsen, løgtingsmann.

Leigusáttmálin um Galaxy var undirskrivaður 30. mars.

Tríggir meklarar kannaðu

Jóhann Christiansen sigur, at Strandfaraskip landsins høvdu tríggjar føroyskar skipsmeklarar at kanna marknaðin fyri leiguferjur.

Fyrst vóru 15 møguleikar. Men teir flestu bóru ikki til.

Í apríl í fjør mælti Strandferðslan landsstýrinum til at keypa ferjuni Volcan de Taburiente á Kanariuoyggjunum.

Hon kostaði 250 mió. kr.

Les alt svarið her.