Lupu á við 500 dronum og 40 rakettum

Lopið var á við næstan 500 dronum og 40 rakettum ymsastaðni í landinum.

Álopið vardi í meira enn 12 tímar og gjørdi stóran skaða, skrivar Volodymyr Zelenskyj, ukrainski forsetin, á sosiala miðlinum, X.
 
Millum tey deyðu er ein 12 ára gomul genta.

- Russland leyp á, júst tá ið ST-aðalfundurin var við at enda, og soleiðis vísir Russland sín sanna hugburð. Moskva heldur fram at leypa á og drepa, og nú má heimurin leggja enn størri trýst á Russland, sigur Zelenskyj.

Hann sigur seg rokna við, at USA, Evropa, G7-londini og G20 fara at koma við "einum greiðum aftursvari".