Tað ber ikki til at siga, hví so nógvur roykur er í Sandoyartunnlinum

Sandoyartunnilin hevur í longri tíð havt trupulleikar við mjørka og royki, og leygardagin stóð so illa til, at fleiri bilførarar róptu varskó.

Beinta Simonsen koyrir dagliga gjøgnum Sandoyartunnilin, og var millum teirra ið stúrdi fyri túrinum leygardagin:

- Tað var so svart í mjørka, at eg sá ikki mótkoyrandi bilar.

Tað var eitt serdømi leygardagin, sigur Uni Danielsen, stjóri fyri undirsjóvartunlarnar í Føroyum, sum leggur afturat, at ein loysn er funnin:

- Her eru viftur sum eru frá morgun og kvøld, og tað bøtar um støðuna.

- Tað ber ikki til at siga, hví júst Sandoyartunnulin hevur slíkar trupulleikar, tí tunnilin er bygdur á sama hátt sum hinir, sigur stjórin.

Hesum verður greitt nærri frá í innslagi í Degi og viku.