Tórður verið á túri á Heilsuskúla Føroya í Suðuroy

Á Heilsuskúla Føroya í Suðuroy gleða tey seg til skipanina, at tey lesandi fáa løn í lestrartíðini.

At skipanin ikki náddi at koma í gildi í summar merkti, at ein fittur partur av teimum, sum høvdu søkt sum heilsurøktarar í summar, ikki tóku av.

Á Heilsuskúlanum eru tríggjar útbúgvingar - heilsurøktarar, heilsurøktarar og námsfrøðihjálparar.

Skúlin leggur dent á, at tann lítli skúlin hevur sínar stóru fyrimunir. Tað er stutt frá hugskoti til veruleika.

Næmingar kunnu hugsavna seg í Suðuroy

Fjarundirvísingin er nógv útbygd og saman við starvsvenjing hevur tað gjørt, at nógvir av næmingunum bara eru á skúlanum ein fjórðing av tíðini.

Næmingarnir norðanfjørð frá, sum vit hitta í sendingini, halda at Heilsuskúlin í Suðuroy hevur stórar styrkir. Tá næmingarnir eru komin suður, kunnu tey fult og heilt hugsavna seg um skúlan.

Við Tórði á túri, Heilsuskúli Føroya

17 ára gamla Silja Rúnadóttir úr Miðvági og Fríða Æðustein Poulsen úr Havn byrjaðu í august útbúgvingina sum námsfrøðihjálpari, og higartil eru báðar væl nøgdar (Mynd: Tórður Mikkelsen)

Í løtuni eru tilsamans 63 næmingar á teimum trimum útbúgvingunum á Heilsuskúlanum.

Vivie Davidsen, skúlastjóri, ivast ikki í, at tá skipanin við løn undir útbúgving er komin í gildi, verða næmingarnir nógv fleiri í tali.

Tey, sum tosað verður við í sendingini, eru: Vivie Davidsen, Fríða Æðustein, Silja Rúnadóttir, Terji Brynjarsson, Annika Jónsveinsdóttir Nolsøe, Elken Bech, Mariann Johansen, Fríðgerð Egilsnes og Irdi Gaardlykke.

Við tórði á túri LOGO nýtt

Hvat: Við Tórði á túri
Hvar: Í útvarpinum og á KVF Ljóð
Nær: Mánadagar kl. 17.05, og tá tað passar tær á KVF Ljóð

Við Tórði á túri hevur eisini síðu á Facebook

Her kanst tú hoyra túrin á Heilsuskúla Føroya.