PKU kanning víðkað

Í Føroyum er PKU kanningin víðkað: kanningin fevnir nú um eina sjúku afturat, GSD - eisini kend sum Føroyska sjúkan - og kannað verður neyvari eftir teimum sjúkum, ið kannað varð fyri frammanundan.

- Munurin er tann, at mann fyrr hevur gjørt konsentratiónskanningar, og har eru ábendingar um, at mann ikki fangar øll, sum í veruleikanum eru sjúk.

Tað sigur Absalon Eysturoy, barna- og ungdómslækni, sum leggur afturat, at mann nú fer at gera ílegukanningar av hesum somu sjúkunum, ið væntast at hava við sær, at fleiri verða fangað.

Hesum greiðir hann nærri frá í innslagi í Degi og viku.