Fyrrv. trygdarsamskipari: SSL má gera nýggja frágreiðing um hekkuportið

Strandferðslan má gera eina nýggja frágreiðing um tilburðin við opna hekkuportrinum á Galaxy, tí fyrra frágreiðingin livir ikki upp til tey krøv um sakligheit og gjølla upplýsing, ið ein slík frágreiðing eigur at gera.

Tað sigur Tina Grønbech, skipsførari, sum er fyrrverandi trygdarsamskipari hjá Strandferðsluni.

Galaxy

Galaxy.

Sat hon við ábyrgdini, hevði hon tikið myndina í álvara og gjørt kanningarabeiðið gjøllari.

Og nú eitt eygnavitni eisini er traðkað fram, er ein orsøk aftrat at kanna málið av nýggjum, heldur Tina Grønbech.

Kringvarpið arbeiðir við at fáa viðmerkingar frá Niels Juel Arge, stjóra í Strandferðsluni, og Hans Johannes á Brúgv, stjóra í Sjóvinnustýrinum. Men tað hevur higartil ikki borið til.

Meira verður at frætta um málið í útvarpinum seinni í dag og í Degi og viku í kvøld.

Sí eisini: Jens Sivar Djurhuus: Eg tók myndina av hekkuportrinum á Galaxy