- Tíðindi, mentan og ítróttur
Fingu søtan sigur í Georgia
Fingu søtan sigur í Georgia
Føroyar hava lagt Skotland og Írland aftur um seg í EM-tálvkappingini
So bragdaði hjá føroyska talvlandsliðnum í EM. Sigurin á Skotlandi í fimta umfari var kærkomin.F.v.: Høgni Egilstoft Nielsen, Luitjen Akselsson Apol, Rógvi Egilstoft og Martin Poulsen.
10.10.2025 - 08:02
Føroyska talvlandsliðið fekk ein søtan EM-sigur í Georgia í fimta umfari í gjár hósdagin. Føroyar vunnu 2,5 - 1,5.
Tað eydnaðist við bit og slit at vinna lykladystin móti Skotlandi. Luitjen Akselsson Apol og Rógvi Egilstoft vunnu, Høgni Egilstoft Nielsen telvaði remis, og Martin Poulsen tapti.
Sigurin ber í sær, at Føroyar hava lagt Skotland og Írland aftur um seg.
Í sætta umfari í dag verður telvað móti triðja liði hjá Georgia. Vertstjóðin hevur ikki færri enn fýra lið við í kappingini. C-liðið hjá Georgia er styrkismett beint ovari enn Føroyar
Er kopiera
Nýggjastu sendingar í ÚV
Nýggjastu sendingar í SV
