Niðurdotna flogfarið í Grønlandi er funnið

Flogfarið, sum leitað hevur verið eftir í Grønlandi síðani leygardagin, er funnið.

Tað upplýsir Naviair, sum skipar flogferðsluna í grønlendskum øki.

Eitt fólk var við lítla flogfarinum, sum var úr Kanada við kós móti Grønlandi. 

Leitingin fór fram í økinum við Sermitsiaq, nærhendis Nuuk. Ringa veðrið har á leiðini darvaði leitingina, sum varð steðgað leygardagin, og tikin uppaftur í gjár.

Nú boðar Naviair frá, at flogfarið er funnið, men persónurin í flogfarinum er deyður.

Upplýst verður eisini, at tað er torført at koma fram at staðnum, har flogfarið datt niður.