- Tíðindi, mentan og ítróttur
Ákærdur fyri at hava samlegu við gentu undir 15 ár
Ákærdur fyri at hava samlegu við gentu undir 15 ár
Ákærdi maðurin játtar seg sekan. Hann er ikki ákærdur fyri at noyða gentuna til samlegu
Gentan var stívliga 14 ár, tá samlegan ella samlegurnar var ella vóru, stendur í ákæruritinum. (Savnsmynd)
10.11.2025 - 10:36
Ein maður er ákærdur fyri at hava havt samlegu við gentu, sum var yngri enn 15 ár.
Tað skal, sambært ákæruritinum, vera hent minst eina ferð í juli 2022.
Maðurin, sum er føddur í 2001, játtar seg sekan.
Hann er ikki ákærdur fyri at noyða gentuna til samlegu.
Men sama, um samlegan er sjálvboðin, er revsivert at hava samlegu við fólk, sum eru yngri enn 15 ár.
Gentan var stívliga 14 ár, tá samlegan ella samlegurnar var ella vóru. Hon er fødd í 2007.
Er kopiera
Nýggjastu sendingar í ÚV
Nýggjastu sendingar í SV
