Fosturtøkumálið: Trý minnilutaálit koma frá rættarnevndini

Ein minniluti í rættarnevndini - Helgi Abrahamsen úr Sambandsflokkinum, Elsebeth Mercedis Gunnleygsdóttir úr Fólkaflokkinum og Rósa Tyril Gaardlykke úr Miðflokkinum - hevur latið umsitingini í løgtinginum álit sítt í málinum um fosturtøkulóg.

Helgi Abrahamsen, sum er næstformaður í rættarnevndini, sigur, at tey lótu umsitingini sítt álít í gjárkvøldið. 

- Umsitingin skal nú kanna og rættlesa álitið og gera møguligar viðmerkingar, sigur Helgi Abrahamsen, sum ikki fæst at siga nakað um, hvat stendur í álitinum.

Samgongufundur, Hervør Pálsdóttir

Hervør Pálsdóttir  (Mynd: Bjarni Árting Rubeksen) 

Upprunaliga freistin, sum var 30. oktobur, varð longd til 7. novembur, seinasta fríggjadag.

Tá var tó einki álit komið úr rættarnevndini, og forkvinnan, Hervør Pálsdóttir, segði soleiðis í tíðindunum á nátturða fríggjakvøldið:

Henrik Old, Løgtingið

Frítekst tagging: 

Hendrik Old

løgtingið

Bjarni Árting Rubeksen

Henrik Old  (Mynd: Bjarni Árting Rubeksen) 

Biðið um tøl úr Barsilsgrunninum

Henrik Old úr Javnaðarflokkinum skrivar sítt egna álit. 

Hann er ikki liðugur við álitið enn, tí í sambandi við hetta málið er eitt sindur meira, sum skal kannast, segði hann fyrrapartin.

- Eg arbeiði við einum uppskoti um at bøta um fíggjarligu umstøðurnar hjá teimum, sum eiga sítt fyrsta barn. 

Til hetta mangla nøkur tøl úr Barsilsgrunninum, sum eg havi biðið um, sigur Henrik Old.

Spurdur, um hann roynir at súlta málið, sigur hann nei, og leggur afturat, at hann ongantíð áður hevur upplivað slíkt trýst á eina nevnd um at koma við áliti.

- Fólk stúra fyri, hvør fer úr tinginum, og hvør kemur inn. Eg havi onga ætlan um at súlta nakað, men vil bert koma við mínum egna áliti, sigur Henrik Old, sum vónar, at hann verður liðugur og kann lata umsitingini álit sítt í dag.