Elias í uppskoti til besta spælara í Týsklandi

Føroyski hondbóltsspælarin Elias Ellefsen á Skipagøtu er í uppskoti til heiðurin sum besta spælarin í Týsklandi í 2025.

Spælskiparin kappast við liðfelagan úr THW Kiel Andreas Wolff og Sergey Hernandez (Magdeburg), Gísli Kristjánsson (Magdeburg), Kai Häfner (Hannover-Burgdorf), Tim Suton (TBV Lemgo), Marko Grgić (Flensburg-Handewitt), David Späth (Rhein-Neckar Löwen), Tim Freihöfer (Füchse Berlin) og Mathias Gidsel (Füchse Berlin).

Tað eru redaktørar frá handball-world.news og Bock auf Handball, sum hava innstillað spælarar og lið í tilsamans 11 flokkum, og hondbóltsfjepparar kunnu atkvøða til 22. januar.

Elias Ellefsen á Skipagøtu og Kiel vunnu týsku steypakappingina farna kappingarár, men fleiri av avrikunum hjá føroyinginum í heyst og vetur hava verið í serflokki. 

Stutt fyri vetrarsteðgin var hann óheppin og meiddi sær økslina, og í løtuni er ivasamt, um spælskiparin verður á vøllinum, tá Føroyar spæla ímóti Sveis í fyrsta EM-dystinum 16. januar.