Frakland letur konsulát upp í Grønlandi

Frakland letur upp konsulát í Grønlandi, sigur franski uttanríkisráðharrin, Jean-Noel Barrot. 

- Tað hevur verið ætlanin síðani í fjør. Og orsøkin er hóttaninar frá amerikanska forsetanum, Donald Trump, um at taka Grønland, sigur Barrot.

- USA má gevast at leggja trýst á Grønland, og gevast við at hóttanunum um, at landið fer at taka danskt øki, segði Barrot við RTL-útvarpið.