Venjarin: Kensluborið mótstøðulið í morgin

Peter Bredsdorff-Larsen og hini í føroyska venjaratoyminum gleðast um stigið og iðra seg eitt sindur um, at tað ikki gjørdust tvey, men annars eru eyguni longu vend ímóti dystinum í morgin, tá Montenegro bíðar í Unity Arena í Oslo.

Í mun til Sveis, er spælir Balkan-liðið við kenslunum uttaná, og tí verður uppgávan heilt øðrvísi, væntar landsliðsvenjarin.

 - Tað er júst hetta, sum er so spennandi við slíkum endaspølum. Vit skulu royna okkum ímóti ymiskum hondbóltsmentanum, ymiskum spælaratýpum. Montenegro er  sera væl skjótandi, og hevur eitt fleksibult og kenslugrunda verjuspæl, segði Peter Bredsdorff-Larsen á tíðindafundinum fyrrapartin.

Montenegro vann eins og Føroyar sín undankappingarbólk og hevur ætlanir um at spæla seg í miðumfari. Venjarin kennir seg vísan í, at Føroyar fara at spæla seg til kjansir, meðan stóra uppgávan sum ikki einaferð liggur í hinum endanum av vøllinum.

 - Teir hava nakrar sera dugnaligar toppspælarar. (Branko, blaðm.) Vujović og (Vuko, blaðm.) Borozan hava spælt í stórum kappingum og stórum feløgum í nógv ár, so vit skulu finna loysnirnar í verjuni, segði Peter Bredsdorff-Larsen.