Johnny í Grótinum: Ósannlíkt, at revsitollurin verður veruleiki

Tað er ongin ivi um, at samhandilin millum USA og londini, sum Donald Trump ætlar at áseta 10% toll á, verður raktur, um Trump ger álvara av sínum ætlanum. Tað sigur Johnny í Grótinum, formaður í Búskaparráðnum. 

Formaðurin í Búskaparráðnum heldur tó, at tað er ógvuliga ósannlíkt, at ítøkiligu ætlanarnirnar hjá Donaldi Trump, um at áleggja toll á nøkur einstøk lond, millum annað lond í ES, verða til veruleika.

Verða nýggju tollásetingarnar til veruleika, kemur hetta at merkjast í Føroyum eisini, sigur Johnny í Grótinum.