Fleiri túsund Epstein-skjøl eru tikin aftur

Amerikanska løgmálaráðið hevur tikið fleiri túsund skjøl í Jeffry Epstein málinum av aftur netinum, eftir at vitni hava klagað um, at samleiki teirra ikki var gjørdur navnleysur, anonymiseraður.

Tað skrivar bretska kringvarpið, BBC.

Fríggjadagin vórðu hálvfjórða millión síður, sum høvdu samband við Epstein, almannakunngjørd. 

Menniskjalig og tøknilig mistøk elvdu til, at skjølini, sum nú eru tikin aftur, vórðu almannakunngjørd, sigur løgmaálaráðið, sambært BBC.

Nú verður kannað, um meira tilfar, sum er almannakunngjørt, skal gerast navnleyst, anonymiserast, skrivar BBC.