Klædnaatstøði: Ein útbúgving uttan góðkenning

Nógv tos hevur verið um útbúgvingina Klædnaatstøði á Glasi.

Í fjør bleiv avgjørt, at útbúgvingin, sum ikki er góðkend lærlingaútbúgving, skuldi niðurleggjast.

Men so bleiv kjakast og stutt eftir kom fram, at mann heldur valdi at styrkja útbúgvingina.

Tó er enn einki hent.

Útbúgvingin er ikki vorðin ein góðkend lærlingaútbúgving, og um hetta ikki verður broytt, gevur ikki meining at halda fram við lesnaðinum, sigur Eva Naomi Djurhuus, næmingur á Klædnaatstøði.

Sum klædnaatstøðingur hevur hon eitt ynski um at gerast klædnahandverkari, men um tað skal bera til, mugu broytingar gerast.