Starvsfelagið undrast á, at steðgur er í samráðingunum

Starvsfelagið undrast á, at lønardeildin í Fíggjarmálaráðnum hevur steðgað samráðingunum við feløgini á almenna arbeiðsmarknaðinum. Felagið vísir á, at semja eru longu um lønarkarmin.

Jan Sjóstein, stjóri á lønardeildini í Fíggjarmálaráðnum, segði við Kringvarpið fríggjadagin, at lønarsamráðingarnar verða tiknar upp aftur, so skjótt sum løgtingsvalið hevur verið, og nýtt landsstýri er skipað.

Sáttmálin hjá millum annað Starvsfelagnum gekk út 1. oktober í fjør.

12 fakfeløg á almenna arbeiðsmarknaðinum hava gjørt ein leist fyri karmin, og avtalað er longu, at lønin skal hækka 3,87 prosent fyrsta árið, og síðani er ein útrokningarleistur gjørdur, sum leggur upp fyri framleiðsluøking og prístalinum, tá næstu lønarhækkingarnar koma. 

Suni Selfoss, formaður í Starvsfelagnum, heldur tað tí vera undarligt, at samráðingarnar ikki kunnu halda fram, so at eitt komandi landsstýri kann taka støðu til úrslitið:

Mary Antonsdóttir

Mary Antonsdóttir, forkvinna í Heilsuhjálparafelagnum, tók í tíðindunum fríggjadagin somuleiðis støðuna til eftirtektar:

Sáttmálin millum Heilsuhjálparafelag Føroya og Kommunala Arbeiðsgevarafelagið fór somuleiðis úr gildi 1. oktober í fjør, og tað merkir so, at eingin semja er í eygsjón heldur har.