Gerðarrættarmál: Grønlendska landsstýrið fær meginpartin aftur

Ein gerðarrættur hevur avgjørt, at landsstýrið í Grønlandi fær meginpartin av tí, gerðarrætturin kostaði landsstýrinum.

Greenland Minerals fór í gerðarrættin við landsstýrinum, tí tað steðgaði einari námsverkætlan við Narsaq.

Greenland Minerals, sum er avstralskt felag, hevur kravt 80 milliardir krónur í endurgjaldi frá landsstýrinum. 

Gerðarrætturin sigur seg ikki kunna viðgera trætuna. Og tað helt landsstýrið eisini uppá. 

Landsstýrið skal fáa 90 prosent, næstan 14,4 mió. kr., frá Greenland Minerals.

Endurgjaldið verður viðgjørt í grønlendska landsrættinum.

Gerðarrættarmálið kostar Greenland Minerals slakar 100 mió.kr., tá landsstýrið hevur fingið sítt.