Vance leggur ES undir at leggja seg út í ungarska valið

Amerikanski varaforsetin, J. D. Vance, skuldsetir "skrivstovuveldið í Brússel" fyri at royna at leggja seg út í ungarska búskapin og valið í landinum, sum verður sunnudagin.

J. D. Vance, sum er á vitjan í Ungarn, og Viktor Orban, forsætisráðharri, hava havt felags tíðindafund í Budapest í dag. 

Ungarska stjórnin er undir hørðum trýsti upp undir valið, tí veljarakanningar vísa, at hon fellur. 

Vance sigur, at hann er komin til Ungarn at hjálpa Orban. 

J. D. Vance og Viktor Orban

Halda fólkinum niðri

Hann sigur, at "skrivstovukrakkarnir" í Brússel gera alt, teir eru mentir, at halda ungarska fólkinum niðri, tí teimum dámar ikki landsins leiðara, sum í veruleikanum verjir ungarska fólkið, sigur Vance.

Viktor Orban hevur havt stjórnarvaldið í Ungarn í tilsamans 16 ár.

Men veljarakanningar vísa, at konservativi andstøðuflokkurin, Tisza, fer at vinna valið.

Leiðarin í flokkinum er Peter Magyar, sum fyrr hevur verið limur í flokkinum hjá Orban, Fidesz.