Skip í Eysturoynni og Norðoyggjum rinda mest

Skip hava goldið góðar 136 milliónir kr. í veiði- og avreiðingargjaldi fyri makrel og sild í ár, vísir eitt yvirlit í Norðlýsinum. Meginpartin hava skip, sum eru skrásett í Norðoyggjum og Eysturoynni, goldið, ella tilsamans 77 prosent .

Tummas T hevur goldið mest, góðar 12 milliónir kr. Tróndur í Gøtu hevur goldið slakar 11 milliónir, Jupiter 10,3, og Finnur Fríði slakar 10 milliónir kr.

Norðborg hevur goldið 10,6 milliónir og Christian í Grótinum góðar 10 milliónir kr.

Skip, sum eru skrásett í Eysturoynni, hava goldið tilsamans slakar 70 milliónir í veiði- og avreiðingargjaldi fyri sild og makrel - tað eru 51 prosent -  og skip í Norðoyggjum 37 milliónir, sum eru góð 27 prosent, vísir yvirlitið í Norðlýsinum.